Didto Ha Recto

Recto, Recto
O Recto
Ha Quiapo kakanto
Ada an simbahan Nazareno
Eskwelahan nagtatarayatay aadto

An Recto
Dalan nga klaro
Divisoria, Post Office, Palasyo aagui-an ngadto
Iguin-ngaran hin sikat nga tawo

Dalan nga madulom hin duro
Bisan ha adlaw nga nag-uurudto
Labi kun gab-i makadto
Panguwat ug ilegal tanan aadto

Pirme hinay pag-agui ngadto
Pokpok, holdaper makubit ha imo
Diploma, ID, papel de gobyerno itinitinda didto
Kaupod panapton, lawas, ug DepEd nga libro

Ha raid pag-ikmat ug dalagan diretso
Kun diri, ha newspaper, TV, radyo ngaran mapuwesto
Sugad kasikat an Recto
Sigurado masikat hin madakpan ngadto

Ha Manila diri ka mawawara ngadto
Kun maaram ka han Recto
Sarakyan tanan na-agui didto
Sikat nga dalan hin duro

Photo courtesy of Chris Villarin.  Retrieved from http://tipsin7.blogspot.com/2014/05/cm-recto-avenue-manila-survival-guide.html.